З 19 па 25 студзеня пры падтрымцы ТАА «Банк Развіцця Рэспублікі Беларусь» і Мінскага гарадскога выканаўчага камітэта ў Мінску пройдзе 16-ы міжнарожны юнацкі турнір сярод зборных да 17 гадоў.
Традыцыйныя зімовыя спаборніцтвы адбудуцца ў сталічным футбольным манежы. У гэты раз акрамя гаспадароў у розыгрышы возьмуць удзел зборныя Бельгіі, Грузіі, Ізраіля, Ісландыі, Фінляндыі, Таджыкістана і Узбекістана. Чатыры каманды-ўдзельніцы, у тым ліку Беларусь, Бельгія, Ізраіль і Фінляндыя восенню кваліфікаваліся ў элітны раўнд першынства Еўропы УЕФА U-17 сезона 2019/2020.
Нагадаем, што з 2014 па 2019 гады ў турніры прымалі ўдзел 12 каманд. Менавіта тады ў якасці генеральнага партнера ўпершыню выступіла ААТ «Банк развіцця Рэспублікі Беларусь», які і падараваў спаборніцтвам новую назву.
«Кубак развіцця» -гэта сур'езны міжнародны вопыт для кожнага маладога гульца. Турніры менавіта такога кшталту даюць юным футбалістам магчымасць удасканальвацца. Больш за тое тут часцютка кажуць пра сябе будучыя лідары сур'езных нацыянальных зборных. Так, напрыклад, у Мінску выдатна згуляў абаронца італьянскай «Скуадры Адзуры» Давідэ Сантон, які сенны абараняе колеры «Ромы»,а таксама яго суайчыннік Мація Дэстра з «Балоньі». Тамсама праявіў сябе прадстаўнік маскоўскага ЦСКА Георгі Шчэннікаў. Украінцы Віктар Цыганкоў з кіеўскага «Дынама», а таксама Іван Ардзец з «Дынама» маскоўскага абараняюць колеры нацыянальнай зборнай Украіны. Ну і, канечне ж, куды без беларусаў? У розныя гады на турніры файна гулялі Станіслаў Драгун, Ягор Філіпенка, Дзяніс Палякоў, Сяргей Паліцевіч, Віталь Лісаковіч ды Іван Бахар. Сення гэтыя футбалісты абараняюць колеры нацыянальнай зборнай Рэспублікі Беларусь.
У «Кубку развіцця» 2020 Беларусь будзе прадстаўлена зборнай краіны, складзенай з гульцоў, не старэйшых за 2003 год нараджэння. Восенню падначаленыя Адрэя Скарабагацькі кваліфікаваліся ў элітны раўнд юнацкага першынства Еўропы УЕФА сезона 2019/2020 і ўжо ўвесну аспрэчаць дзве пуцеўкі ў фінальную частку спаборніцтва з аднагодкамі з Турцыі, Украіны і Грэцыі. Зараз на хатнім турніры «белакрылыя» напэўна прыкладуць максімум намаганняў, каб парадваць родных заўзятараў. Дарэчы, за даволі доўгую гісторыю правядзення «Кубка развіцця» юнацкая зборная Беларусі тройчы дамагалася перамог у 2006, 2007 і 2019 гадах, а таксама чатыры разы саступала ў фінальных матчах - у 2005, 2008, 2014 і 2016 гадах.
Сення больш за ўсе перамог на рахунку зборнай Расіі, якая пяць разоў зваеўвала трафей , чатыры разы мацней за ўсіх была Украіна (2009, 2012, 2016 и 2018), тры разы залатыя медалі забірала Беларусь (2006, 2007, 2019) і двойчы – Бельгія(2011, 2013), а ў 2005 годзе не было роўных камандзе Сербіі і Чарнагорыі.
Афіцыйная цырымонія адкрыцця адбудзецца 19 студзеня а 17.20, а ўжо ў 18.00 прагучыць стартавы свісток двубоя Беларусь – Узбекістан. З падрабязным раскладам турніра, вынікамі і дэталямі спаборніцтва можна ў любы час пазнаеміцца на нашым афіцыйным сайце abff.by
Сістэма правядзення турніра крыху змянілася. У гэты раз восем каманд будуць падзелены на дзве роўныя групы. Па выніках групавой стадыі першыя месцы ў групе аспрэчаць трафей, другіе месцы пазмагаюцца за бронзу, ў той час, як калектывы, што змесцяцца на трэціх-чацвертых радках, размяркуюць між сабой 5-ю і 7-ю пазіцыі.
АБФФ
